Drejtori i spitalit Al-Shifa në qytetin e Gazës, Mohammad Abu Salmiya është arrestuar nga forcat izraelite së bashku me disa anëtarë tjerë të personelit mjekësor.

“Mjeku Mohammad Abu Salmiya është arrestuar së bashku me disa mjekë tjerë”, tha Khalid Abu Samra, shef i një reparti në këtë spital, transmeton Telegrafi.

Siq raporton AFP, edhe autoritetet izraelite e kanë konfirmuar gjithashtu arrestimin e drejtorit të spitalit.

Në anën tjetër, ushtria izraelite pretendojnë se spitali më i madh në Gazë, është përdorur si qendër komanduese nga Hamasi para se të pushtohej nga forcat izraelite.

Raportohet se Abu Salmiya po merret në pyetje nga inteligjenca izraelite Shin Bet dhe nga ajo e IDF-së, kurse arrestimi i tij ndodhi derisa po lëvizte me turmën gjatë procesit të evakuimit në jug të Rripit të Gazës. /Telegrafi/